کربلاده قانلی بایراق
آخمادي داياندي چايلار
نيزه اوستونه دوزولدو
قان لا بسله نن هارايلار
گيديلر قارا ملك لر
پوزقون اولدولار فلك لر
چايلارين سيناندا قدري
غيرتين باشي اوجالدي
دنيادا آدي حسينين
عزته نشانه قالدي
خنجرين اينانجي ياندي
قان كسر ليگه ايناندي
قويدي ميدانا اياقين
اولدي جان قيلينج ، الينده
قانلي سون گونون بيلير كن
وئردي ايمضا اولينده
هاردا قان هارايدا اولدو
ظلمه قارشي قايدا اولدو
ايسته دي شهادت ايله
پارلاسين بو سوز گونش تك
ننگ ايله ديري قالين جا
عزت ايله خوشدور اولمه ك
ايندي هاردا وار دين آدي
باشدا وار حسينين آدي
هر سحر گوزون آچاندا
قانلا بسله نر افق لر
هاردا سيز يانار اوره ك لر
سيزی سس له ير افق لر
حقه گر كي ماييل اولساق
كربلا ده قانلي بايراق
